1
למנצח מזמור לדוד חלצני יהוה מאדם רע מאיש חמסים תנצרני׃
2
אשר חשבו רעות בלב כל יום יגורו מלחמות׃
3
שננו לשונם כמו נחש חמת עכשוב תחת שפתימו סלה׃
4
שמרני יהוה מידי רשע מאיש חמסים תנצרני אשר חשבו לדחות פעמי׃
5
טמנו גאים פח לי וחבלים פרשו רשת ליד מעגל מקשים שתו לי סלה׃
6
אמרתי ליהוה אלי אתה האזינה יהוה קול תחנוני׃
7
יהוה אדני עז ישועתי סכתה לראשי ביום נשק׃
8
אל תתן יהוה מאויי רשע זממו אל תפק ירומו סלה׃