ונקומה ונעלה בית אל ואעשה שם מזבח לאל הענה אתי ביום צרתי ויהי עמדי בדרך אשר הלכתי׃

זבח לאלהים תודה ושלם לעליון נדריך׃

זבח תודה יכבדנני ושם דרך אראנו בישע אלהים׃

אבוא ביתך בעולות אשלם לך נדרי׃

עלות מחים אעלה לך עם קטרת אילים אעשה בקר עם עתודים סלה׃

ויזבחו זבחי תודה ויספרו מעשיו ברנה׃

לך אזבח זבח תודה ובשם יהוה אקרא׃

נדרי ליהוה אשלם נגדה נא לכל עמו׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו׃

ועתה הנני מזהיר אתכם אחי ברחמי אלהים אשר תשימו את גויותיכם קרבן חי וקדוש ונרצה לאלהים והיתה זאת עבודתכם השכלית׃

לכן נקריב על ידו בכל עת זבח תודה לאלהים היא פרי שפתים המודות לשמו׃

לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שניהם׃

ויהי מקץ ארבעים שנה ויאמר אבשלום אל המלך אלכה נא ואשלם את נדרי אשר נדרתי ליהוה בחברון׃

תעתיר אליו וישמעך ונדריך תשלם׃

כאשר תדר נדר לאלהים אל תאחר לשלמו כי אין חפץ בכסילים את אשר תדר שלם׃

טוב אשר לא תדר משתדור ולא תשלם׃

ליהוה הישועה על עמך ברכתך סלה׃

ותשועת צדיקים מיהוה מעוזם בעת צרה׃

ויעזרם יהוה ויפלטם יפלטם מרשעים ויושיעם כי חסו בו׃

האל לנו אל למושעות וליהוה אדני למות תוצאות׃

ישראל נושע ביהוה תשועת עולמים לא תבשו ולא תכלמו עד עולמי עד׃

אתם משתחוים אל אשר לא ידעתם ואנחנו משתחוים אל אשר ידענו כי הישועה מן היהודים היא׃

ואין הישועה באחר ואין תחת השמים שם אחר הנתן לבני אדם אשר בו נושע׃

ויקראו בקול גדול לאמר הישועה לאלהינו הישב על הכסא ולשה׃