ההפכים ללענה משפט וצדקה לארץ הניחו׃

דרשו טוב ואל רע למען תחיו ויהי כן יהוה אלהי צבאות אתכם כאשר אמרתם׃

שנאו רע ואהבו טוב והציגו בשער משפט אולי יחנן יהוה אלהי צבאות שארית יוסף׃

כי אמלט עני משוע ויתום ולא עזר לו׃

צדק לבשתי וילבשני כמעיל וצניף משפטי׃

אב אנכי לאביונים ורב לא ידעתי אחקרהו׃

עשה צדקה ומשפט נבחר ליהוה מזבח׃

כי חסד חפצתי ולא זבח ודעת אלהים מעלות׃

הגיד לך אדם מה טוב ומה יהוה דורש ממך כי אם עשות משפט ואהבת חסד והצנע לכת עם אלהיך׃

ויאמר אליו הסופר אמנם רבי יפה דברת כי אלהים אחד הוא ואין עוד מלבדו׃

וירא ישוע כי ענה בדעת ויאמר אליו לא רחוק אתה ממלכות האלהים ואיש לא ערב עוד את לבו לשאל אותו שאלה׃