זאת תהיה תורת המצרע ביום טהרתו והובא אל הכהן׃

זאת תורת אשר בו נגע צרעת אשר לא תשיג ידו בטהרתו׃

צו את אהרן ואת בניו לאמר זאת תורת העלה הוא העלה על מוקדה על המזבח כל הלילה עד הבקר ואש המזבח תוקד בו׃

וזאת תורת המנחה הקרב אתה בני אהרן לפני יהוה אל פני המזבח׃

דבר אל אהרן ואל בניו לאמר זאת תורת החטאת במקום אשר תשחט העלה תשחט החטאת לפני יהוה קדש קדשים הוא׃

וזאת תורת האשם קדש קדשים הוא׃

זאת התורה לעלה למנחה ולחטאת ולאשם ולמלואים ולזבח השלמים׃

זאת תורת הבהמה והעוף וכל נפש החיה הרמשת במים ולכל נפש השרצת על הארץ׃

זאת תורת הזב ואשר תצא ממנו שכבת זרע לטמאה בה׃

זאת תורת הקנאת אשר תשטה אשה תחת אישה ונטמאה׃

וזאת תורת הנזיר ביום מלאת ימי נזרו יביא אתו אל פתח אהל מועד׃

זאת התורה אדם כי ימות באהל כל הבא אל האהל וכל אשר באהל יטמא שבעת ימים׃

השמר בנגע הצרעת לשמר מאד ולעשות ככל אשר יורו אתכם הכהנים הלוים כאשר צויתם תשמרו לעשות׃

וראה הכהן את הנגע והנה מראהו עמק מן העור ובו שער צהב דק וטמא אתו הכהן נתק הוא צרעת הראש או הזקן הוא׃

וכי יראה הכהן את נגע הנתק והנה אין מראהו עמק מן העור ושער שחר אין בו והסגיר הכהן את נגע הנתק שבעת ימים׃