מלושני בסתר רעהו אותו אצמית גבה עינים ורחב לבב אתו לא אוכל׃

לא ישב בקרב ביתי עשה רמיה דבר שקרים לא יכון לנגד עיני׃

לבקרים אצמית כל רשעי ארץ להכרית מעיר יהוה כל פעלי און׃

גרש לץ ויצא מדון וישבת דין וקלון׃

הגו סיגים מכסף ויצא לצרף כלי׃

הגו רשע לפני מלך ויכון בצדק כסאו׃

ואשיבה ידי עליך ואצרף כבר סיגיך ואסירה כל בדיליך׃

ואשיבה שפטיך כבראשנה ויעציך כבתחלה אחרי כן יקרא לך עיר הצדק קריה נאמנה׃

ואם לא ישמע אליהם הגד אל הקהל ואם לא ישמע גם אל הקהל והיה לך כגוי וכמוכס׃

כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃

למסר את האיש ההוא לשטן לאבדן הבשר למען יושע הרוח ביום האדון ישוע׃

לא טוב התהללכם הלא ידעתם כי מעט שאר מחמץ את כל העסה׃

ואשר בחוץ האלהים ישפטם ואתם תבערו את הרע מקרבכם׃

ואיש החולק על האמונה אם הוכח פעם ושתים שטה מעליו׃

כל הבא אליכם ולא יביא את התורה הזאת לא תאספו אתו הביתה ולא תשאלו לו לשלום׃

כי השאל בשלומו הוא משתתף במעשיו הרעים׃

ידעתי את מעשיך ואת עמלך ואת סבלך וכי לא תוכל שאת את הרשעים ותנסה את האמרים שליחים אנחנו ואינם ותמצאם כזבים׃

אבל זאת היא לך כי תשנא את מעשי הניקלסיים אשר שנאתים גם אני׃

אך מעט יש לי עליך כי שם עמך אנשים דבקים בתורת בלעם אשר הורה את בלק לתת מכשול לפני בני ישראל לאכל מזבחי אלילים ולזנות׃

שובה ואם לא כי עתה אבוא עליך מהרה ונלחמתי בם בחרב פי׃

ומחוץ לה הכלבים והמכשפים והזנים והמרצחים ועבדי האלילים וכל אהב שקר ועשהו׃