ולאלה תטמאו כל הנגע בנבלתם יטמא עד הערב׃

והנשא את נבלתם יכבס בגדיו וטמא עד הערב טמאים המה לכם׃

אלה הטמאים לכם בכל השרץ כל הנגע בהם במתם יטמא עד הערב׃

והאכל מנבלתה יכבס בגדיו וטמא עד הערב והנשא את נבלתה יכבס בגדיו וטמא עד הערב׃

ואיש אשר יגע במשכבו יכבס בגדיו ורחץ במים וטמא עד הערב׃

והנגע בבשר הזב יכבס בגדיו ורחץ במים וטמא עד הערב׃

הנגע במת לכל נפש אדם וטמא שבעת ימים׃

וכל אשר יגע על פני השדה בחלל חרב או במת או בעצם אדם או בקבר יטמא שבעת ימים׃