ושחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשר פתח אהל מועד׃

ויתן את השלחן באהל מועד על ירך המשכן צפנה מחוץ לפרכת׃

ויאמר אלי בן אדם שא נא עיניך דרך צפונה ואשא עיני דרך צפונה והנה מצפון לשער המזבח סמל הקנאה הזה בבאה׃

דבר אל אהרן ואל בניו לאמר זאת תורת החטאת במקום אשר תשחט העלה תשחט החטאת לפני יהוה קדש קדשים הוא׃

במקום אשר ישחטו את העלה ישחטו את האשם ואת דמו יזרק על המזבח סביב׃

ונתנו בני אהרן הכהן אש על המזבח וערכו עצים על האש׃

וקרבו וכרעיו ירחץ במים והקטיר הכהן את הכל המזבחה עלה אשה ריח ניחוח ליהוה׃

וישחט את העלה וימצאו בני אהרן אליו את הדם ויזרקהו על המזבח סביב׃

וירחץ את הקרב ואת הכרעים ויקטר על העלה המזבחה׃