אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שכרך הרבה מאד׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

אל תיראי כי לא תבושי ואל תכלמי כי לא תחפירי כי בשת עלומיך תשכחי וחרפת אלמנותיך לא תזכרי עוד׃

ועבדו את יהוה אלהיהם ואת דוד מלכם אשר אקים להם׃

ואתה אל תירא עבדי יעקב נאם יהוה ואל תחת ישראל כי הנני מושיעך מרחוק ואת זרעך מארץ שבים ושב יעקב ושקט ושאנן ואין מחריד׃

ביום ההוא יאמר לירושלם אל תיראי ציון אל ירפו ידיך׃

יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה׃

כן שבתי זממתי בימים האלה להיטיב את ירושלם ואת בית יהודה אל תיראו׃

ירעפו נאות מדבר וגיל גבעות תחגרנה׃

לבשו כרים הצאן ועמקים יעטפו בר יתרועעו אף ישירו׃

ישמחו השמים ותגל הארץ ירעם הים ומלאו׃

יעלז שדי וכל אשר בו אז ירננו כל עצי יער׃

נהרות ימחאו כף יחד הרים ירננו׃

יששום מדבר וציה ותגל ערבה ותפרח כחבצלת׃

רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃

כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף׃

והיה ביום ההוא אענה נאם יהוה אענה את השמים והם יענו את הארץ׃

ואת הצפוני ארחיק מעליכם והדחתיו אל ארץ ציה ושממה את פניו אל הים הקדמני וספו אל הים האחרון ועלה באשו ותעל צחנתו כי הגדיל לעשות׃

כי שאל נא לימים ראשנים אשר היו לפניך למן היום אשר ברא אלהים אדם על הארץ ולמקצה השמים ועד קצה השמים הנהיה כדבר הגדול הזה או הנשמע כמהו׃

גם עתה התיצבו וראו את הדבר הגדול הזה אשר יהוה עשה לעיניכם׃

אך יראו את יהוה ועבדתם אתו באמת בכל לבבכם כי ראו את אשר הגדל עמכם׃

וצדקתך אלהים עד מרום אשר עשית גדלות אלהים מי כמוך׃

שיר המעלות בשוב יהוה את שיבת ציון היינו כחלמים׃

הגדיל יהוה לעשות עמנו היינו שמחים׃

קרא אלי ואענך ואגידה לך גדלות ובצרות לא ידעתם׃