חגרו וספדו הכהנים הילילו משרתי מזבח באו לינו בשקים משרתי אלהי כי נמנע מבית אלהיכם מנחה ונסך׃

אהה ליום כי קרוב יום יהוה וכשד משדי יבוא׃

וגם עתה נאם יהוה שבו עדי בכל לבבכם ובצום ובבכי ובמספד׃

מי יודע ישוב ונחם והשאיר אחריו ברכה מנחה ונסך ליהוה אלהיכם׃

ויקרא אדני יהוה צבאות ביום ההוא לבכי ולמספד ולקרחה ולחגר שק׃

אבל תירוש אמללה גפן נאנחו כל שמחי לב׃

בשיר לא ישתו יין ימר שכר לשתיו׃

צוחה על היין בחוצות ערבה כל שמחה גלה משוש הארץ׃

חרדו שאננות רגזה בטחות פשטה וערה וחגורה על חלצים׃

כה אמר יהוה צבאות התבוננו וקראו למקוננות ותבואינה ואל החכמות שלחו ותבואנה׃

כי קול נהי נשמע מציון איך שדדנו בשנו מאד כי עזבנו ארץ כי השליכו משכנותינו׃

קרבו לאלהים ויקרב אליכם רחצו ידיכם החטאים טהרו לבבכם חלוקי הלבב׃

התענו והתאבלו ובכו שחקכם יהפך לאבל ושמחתכם ליגון׃

הוי העשירים בכו והילילו על הצרות אשר תבאנה עליכם׃

העזבת אלוף נעוריה ואת ברית אלהיה שכחה׃

הלוא מעתה קראתי לי אבי אלוף נערי אתה׃

ולא אחד עשה ושאר רוח לו ומה האחד מבקש זרע אלהים ונשמרתם ברוחכם ובאשת נעוריך אל יבגד׃