כמרעיתם וישבעו שבעו וירם לבם על כן שכחוני׃

צור ילדך תשי ותשכח אל מחללך׃

שכחו אל מושיעם עשה גדלות במצרים׃

כי שכחת אלהי ישעך וצור מעזך לא זכרת על כן תטעי נטעי נעמנים וזמרת זר תזרענו׃

התשכח בתולה עדיה כלה קשריה ועמי שכחוני ימים אין מספר׃

קול על שפיים נשמע בכי תחנוני בני ישראל כי העוו את דרכם שכחו את יהוה אלהיהם׃

החשבים להשכיח את עמי שמי בחלומתם אשר יספרו איש לרעהו כאשר שכחו אבותם את שמי בבעל׃

כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃

עם זו יצרתי לי תהלתי יספרו׃

כי פעל אלהים אנחנו נבראים במשיח ישוע למעשים טובים אשר הכין האלהים מקדם למען נתהלך בהם׃

ויעש את בית במות ויעש כהנים מקצות העם אשר לא היו מבני לוי׃

ויהי הנקל לכתו בחטאות ירבעם בן נבט ויקח אשה את איזבל בת אתבעל מלך צידנים וילך ויעבד את הבעל וישתחו לו׃

ויבן מגדלים במדבר ויחצב ברות רבים כי מקנה רב היה לו ובשפלה ובמישור אכרים וכרמים בהרים ובכרמל כי אהב אדמה היה׃

וערים בנה בהר יהודה ובחרשים בנה בירניות ומגדלים׃

ויגל את מסך יהודה ותבט ביום ההוא אל נשק בית היער׃

ואת בתי ירושלם ספרתם ותתצו הבתים לבצר החומה׃

ובארבע עשרה שנה למלך חזקיה עלה סנחריב מלך אשור על כל ערי יהודה הבצרות ויתפשם׃

יהוה כגבור יצא כאיש מלחמות יעיר קנאה יריע אף יצריח על איביו יתגבר׃

וישפך עליו חמה אפו ועזוז מלחמה ותלהטהו מסביב ולא ידע ותבער בו ולא ישים על לב׃

ואם לא תשמעו אלי לקדש את יום השבת ולבלתי שאת משא ובא בשערי ירושלם ביום השבת והצתי אש בשעריה ואכלה ארמנות ירושלם ולא תכבה׃

ושלחתי אש בבית חזאל ואכלה ארמנות בן הדד׃

ושלחתי אש בחומת צר ואכלה ארמנותיה׃

ושלחתי אש בתימן ואכלה ארמנות בצרה׃

והצתי אש בחומת רבה ואכלה ארמנותיה בתרועה ביום מלחמה בסער ביום סופה׃

ושלחתי אש ביהודה ואכלה ארמנות ירושלם׃