מי חכם וישמר אלה ויתבוננו חסדי יהוה׃

ישמע חכם ויוסף לקח ונבון תחבלות יקנה׃

להבין משל ומליצה דברי חכמים וחידתם׃

וארח צדיקים כאור נגה הולך ואור עד נכון היום׃

מי האיש החכם ויבן את זאת ואשר דבר פי יהוה אליו ויגדה על מה אבדה הארץ נצתה כמדבר מבלי עבר׃

יתבררו ויתלבנו ויצרפו רבים והרשיעו רשעים ולא יבינו כל רשעים והמשכלים יבינו׃

ויען ויאמר כי לכם נתן לדעת את סודות מלכות השמים ולהם לא נתן׃

כי מי שיש לו נתן ינתן לו ויעדיף ומי שאין לו גם את אשר יש לו יקח ממנו׃

אשר מאת האלהים הוא ישמע את דברי האלהים על כן אתם לא שמעתם כי אינכם מאת האלהים׃

ויאמר אליו פילטוס אם כן אפוא מלך אתה ויען ישוע אתה אמרת כי מלך אנכי לזה נולדתי ולזה באתי בעולם להעיד לאמת כל אשר הוא מן האמת ישמע בקולי׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

הצור תמים פעלו כי כל דרכיו משפט אל אמונה ואין עול צדיק וישר הוא׃

לכן אנשי לבב שמעו לי חללה לאל מרשע ושדי מעול׃

אף אמנם אל לא ירשיע ושדי לא יעות משפט׃

תורת יהוה תמימה משיבת נפש עדות יהוה נאמנה מחכימת פתי׃

פקודי יהוה ישרים משמחי לב מצות יהוה ברה מאירת עינים׃

ידעתי יהוה כי צדק משפטיך ואמונה עניתני׃

על כן כל פקודי כל ישרתי כל ארח שקר שנאתי׃

ואמרתם לא יתכן דרך אדני שמעו נא בית ישראל הדרכי לא יתכן הלא דרכיכם לא יתכנו׃

ואמרו בני עמך לא יתכן דרך אדני והמה דרכם לא יתכן׃

ובשוב רשע מרשעתו ועשה משפט וצדקה עליהם הוא יחיה׃

יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת׃

ובכן התורה היא קדושה והמצוה קדושה וישרה וטובה׃

ויאחז צדיק דרכו וטהר ידים יסיף אמץ׃

אשרי אדם עוז לו בך מסלות בלבבם׃

ילכו מחיל אל חיל יראה אל אלהים בציון׃

מעוז לתם דרך יהוה ומחתה לפעלי און׃

את יהוה צבאות אתו תקדישו והוא מוראכם והוא מערצכם׃

וכשלו בם רבים ונפלו ונשברו ונוקשו ונלכדו׃

ויבא בן האדם והוא אכל ושתה ויאמרו הנה איש זולל וסבא ואהב מוכסים וחטאים ונצדקה החכמה מאת בניה׃

ויברך אותם שמעון ויאמר אל מרים אמו הנה זה מוסד לנפילה ולתקומה לרבים בישראל ולאות מריבה׃

וימלאו כל אשר בבית הכנסת חמה בשמעם את אלה׃

ויקומו וידיחו אותו אל מחוץ לעיר ויביאהו עד גב ההר אשר נבנתה עירם עליו למען השליכו מטה׃

ואשרי אשר לא יכשל בי׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

כי כל פעל עולה ישנא את האור ולא יבא לאור פן יוכחו מעשיו׃

ויאמר ישוע אני לדין באתי לעולם הזה למען יראו העורים והראים יכו בעורון׃

לולא עשיתי בתוכם את המעשים אשר איש זולתי לא עשה לא היה בהם חטא ועתה ראו וישנאו גם אתי גם את אבי׃

ועל מה יען אשר לא מאמונה דרשוה כי אם ממעשים כי התנגפו באבן נגף׃

ככתוב הנני יסד בציון אבן נגף וצור מכשול וכל המאמין בו לא יבוש׃

כי ריח ניחח המשיח אנחנו לאלהים גם בתוך הנושעים וגם בתוך האבדים׃

לאלה ריח מות למות ולאלה ריח חיים לחיים ומי זה ראוי לכך׃

את אשר יבוא כחזקת השטן ברב כח ובאתות ובמופתי שקר׃

ובעבור זאת ישלח להם האלהים מדוחי שוא להאמין בשקר׃

לכן לכם המאמינים היקר אבל לסוררים האבן אשר מאסו הבונים היתה לראש פנה ולאבן נגף ולצור מכשל׃

והם נכשלו יען לא שמעו לדבר ולזאת גם נועדו׃