ישב בסתר עליון בצל שדי יתלונן׃

כתפוח בעצי היער כן דודי בין הבנים בצלו חמדתי וישבתי ופריו מתוק לחכי׃

הן לצדק ימלך מלך ולשרים למשפט ישרו׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

יחינו מימים ביום השלישי יקמנו ונחיה לפניו׃

הלא אתה תשוב תחינו ועמך ישמחו בך׃

אם אלך בקרב צרה תחיני על אף איבי תשלח ידך ותושיעני ימינך׃

כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃

ויאמר אליה ישוע אנכי התקומה והחיים המאמין בי יחיה גם כי ימות׃

אמן אמן אני אמר לכם אם לא יפל גרגר החטא אל תוך האדמה ומת ישאר לבדו וכאשר מת יעשה פרי הרבה׃

אתה הסכל הן מה שתזרע לא יחיה בלתי אם ימות׃

והאלהים יתן לו גוף כפי רצונו ולכל זרע וזרע את גופו למינהו׃

אהיה כטל לישראל יפרח כשושנה ויך שרשיו כלבנון׃

אל גנת אגוז ירדתי לראות באבי הנחל לראות הפרחה הגפן הנצו הרמנים׃

כי זרע השלום הגפן תתן פריה והארץ תתן את יבולה והשמים יתנו טלם והנחלתי את שארית העם הזה את כל אלה׃