ואת שם השני קרא אפרים כי הפרני אלהים בארץ עניי׃

וימאן אביו ויאמר ידעתי בני ידעתי גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים׃

בן פרת יוסף בן פרת עלי עין בנות צעדה עלי שור׃

בכור שורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשה׃

צרר רוח אותה בכנפיה ויבשו מזבחותם׃

לא כן הרשעים כי אם כמץ אשר תדפנו רוח׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

תזרם ורוח תשאם וסערה תפיץ אותם ואתה תגיל ביהוה בקדוש ישראל תתהלל׃

בעת ההיא יאמר לעם הזה ולירושלם רוח צח שפיים במדבר דרך בת עמי לוא לזרות ולוא להבר׃

והנה שתולה התצלח הלוא כגעת בה רוח הקדים תיבש יבש על ערגת צמחה תיבש׃

ותתש בחמה לארץ השלכה ורוח הקדים הוביש פריה התפרקו ויבשו מטה עזה אש אכלתהו׃

אפרים כעוף יתעופף כבודם מלדה ומבטן ומהריון׃

מתחת שרשיו יבשו וממעל ימל קצירו׃

יהי אחריתו להכרית בדור אחר ימח שמם׃

הכינו לבניו מטבח בעון אבותם בל יקמו וירשו ארץ ומלאו פני תבל ערים׃

וגם אלהיהם עם נסכיהם עם כלי חמדתם כסף וזהב בשבי יבא מצרים והוא שנים יעמד ממלך הצפון׃

בזו כסף בזו זהב ואין קצה לתכונה כבד מכל כלי חמדה׃