חזית איש מהיר במלאכתו לפני מלכים יתיצב בל יתיצב לפני חשכים׃

כל קבל די רוח יתירה ומנדע ושכלתנו מפשר חלמין ואחוית אחידן ומשרא קטרין השתכחת בה בדניאל די מלכא שם שמה בלטשאצר כען דניאל יתקרי ופשרה יהחוה׃

ושמעת עליך די רוח אלהין בך ונהירו ושכלתנו וחכמה יתירה השתכחת בך׃

בתחלת תחנוניך יצא דבר ואני באתי להגיד כי חמודות אתה ובין בדבר והבן במראה׃

ויאמר פרעה אל עבדיו הנמצא כזה איש אשר רוח אלהים בו׃

אתה תהיה על ביתי ועל פיך ישק כל עמי רק הכסא אגדל ממך׃

ואצוה את חנני אחי ואת חנניה שר הבירה על ירושלם כי הוא כאיש אמת וירא את האלהים מרבים׃

חסד ואמת אל יעזבך קשרם על גרגרותיך כתבם על לוח לבך׃

ומצא חן ושכל טוב בעיני אלהים ואדם׃

חושך אמריו יודע דעת וקר רוח איש תבונה׃

וראיתי אני שיש יתרון לחכמה מן הסכלות כיתרון האור מן החשך׃