BethYeshoua - publications et enseignements

Ezechiel 34:26-29

ונתתי אותם וסביבות גבעתי ברכה והורדתי הגשם בעתו גשמי ברכה יהיו׃

ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם׃

ולא יהיו עוד בז לגוים וחית הארץ לא תאכלם וישבו לבטח ואין מחריד׃

והקמתי להם מטע לשם ולא יהיו עוד אספי רעב בארץ ולא ישאו עוד כלמת הגוים׃

Psaumes 67:6

ארץ נתנה יבולה יברכנו אלהים אלהינו׃

Psaumes 85:12

גם יהוה יתן הטוב וארצנו תתן יבולה׃

Esaïe 4:2

ביום ההוא יהיה צמח יהוה לצבי ולכבוד ופרי הארץ לגאון ולתפארת לפליטת ישראל׃

Esaïe 27:6

הבאים ישרש יעקב יציץ ופרח ישראל ומלאו פני תבל תנובה׃

Esaïe 30:23

ונתן מטר זרעך אשר תזרע את האדמה ולחם תבואת האדמה והיה דשן ושמן ירעה מקניך ביום ההוא כר נרחב׃

Osée 2:21-23

והיה ביום ההוא אענה נאם יהוה אענה את השמים והם יענו את הארץ׃

והארץ תענה את הדגן ואת התירוש ואת היצהר והם יענו את יזרעאל׃

וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי׃

Amos 9:13-15

הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנה׃

ושבתי את שבות עמי ישראל ובנו ערים נשמות וישבו ונטעו כרמים ושתו את יינם ועשו גנות ואכלו את פריהם׃

ונטעתים על אדמתם ולא ינתשו עוד מעל אדמתם אשר נתתי להם אמר יהוה אלהיך׃

Ezechiel 12:25

כי אני יהוה אדבר את אשר אדבר דבר ויעשה לא תמשך עוד כי בימיכם בית המרי אדבר דבר ועשיתיו נאם אדני יהוה׃

Philippiens 4:5

ענות רוחכם תודע לכל איש קרב הוא האדון׃

Hébreux 10:37

כי עוד מעט רגע והבא יבא לא יאחר׃

Jacques 5:8

כן הוחילו גם אתם ואמצו לבבכם כי קרוב האדון לבא׃

Jacques 5:9

אחי אל תתאוננו איש על רעהו פן תשפטו הנה השופט עמד לפתח׃