Ezechiel 27:26
במים רבים הביאוך השטים אתך רוח הקדים שברך בלב ימים׃
Ezechiel 27:27
הונך ועזבוניך מערבך מלחיך וחבליך מחזיקי בדקך וערבי מערבך וכל אנשי מלחמתך אשר בך ובכל קהלך אשר בתוכך יפלו בלב ימים ביום מפלתך׃
Ezechiel 26:12-15
12
ושללו חילך ובזזו רכלתך והרסו חומותיך ובתי חמדתך יתצו ואבניך ועציך ועפרך בתוך מים ישימו׃
13
והשבתי המון שיריך וקול כנוריך לא ישמע עוד׃
14
ונתתיך לצחיח סלע משטח חרמים תהיה לא תבנה עוד כי אני יהוה דברתי נאם אדני יהוה׃
15
כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים׃
Ezechiel 26:19-21
19
כי כה אמר אדני יהוה בתתי אתך עיר נחרבת כערים אשר לא נושבו בהעלות עליך את תהום וכסוך המים הרבים׃
20
והורדתיך את יורדי בור אל עם עולם והושבתיך בארץ תחתיות כחרבות מעולם את יורדי בור למען לא תשבי ונתתי צבי בארץ חיים׃
21
בלהות אתנך ואינך ותבקשי ולא תמצאי עוד לעולם נאם אדני יהוה׃
Zacharie 9:3
ותבן צר מצור לה ותצבר כסף כעפר וחרוץ כטיט חוצות׃
Zacharie 9:4
הנה אדני יורשנה והכה בים חילה והיא באש תאכל׃