ומחי קבלו יתן בחמותיך ומגדלתיך יתץ בחרבותיו׃

ידו נטה על הים הרגיז ממלכות יהוה צוה אל כנען לשמד מעזניה׃

עלו בשרותיה ושחתו וכלה אל תעשו הסירו נטישותיה כי לוא ליהוה המה׃

ושלחתי אש בחומת צר ואכלה ארמנותיה׃

ותבן צר מצור לה ותצבר כסף כעפר וחרוץ כטיט חוצות׃

ושללו חילך ובזזו רכלתך והרסו חומותיך ובתי חמדתך יתצו ואבניך ועציך ועפרך בתוך מים ישימו׃

ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמא׃

ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח׃

ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא׃

כי דמה בתוכה היה על צחיח סלע שמתהו לא שפכתהו על הארץ לכסות עליו עפר׃

להעלות חמה לנקם נקם נתתי את דמה על צחיח סלע לבלתי הכסות׃