לכן כה אמר אדני יהוה הנני עליך גם אני ועשיתי בתוכך משפטים לעיני הגוים׃

ואמרת לאדמת ישראל כה אמר יהוה הנני אליך והוצאתי חרבי מתערה והכרתי ממך צדיק ורשע׃

ואמרת כה אמר אדני יהוה הנני עליך צידון ונכבדתי בתוכך וידעו כי אני יהוה בעשותי בה שפטים ונקדשתי בה׃

ואמרת כה אמר אדני יהוה הנני אליך גוג נשיא ראש משך ותבל׃

הנני אליך ישבת העמק צור המישר נאם יהוה האמרים מי יחת עלינו ומי יבוא במעונותינו׃

הנני אליך זדון נאם אדני יהוה צבאות כי בא יומך עת פקדתיך׃

אריה טרף בדי גרותיו ומחנק ללבאתיו וימלא טרף חריו ומענתיו טרפה׃

ועתה נאספו עליך גוים רבים האמרים תחנף ותחז בציון עינינו׃

ואספתי את כל הגוים אל ירושלם למלחמה ונלכדה העיר ונשסו הבתים והנשים תשגלנה ויצא חצי העיר בגולה ויתר העם לא יכרת מן העיר׃

במים רבים הביאוך השטים אתך רוח הקדים שברך בלב ימים׃

ונשאו אליך בניהם קינה וקוננו עליך מי כצור כדמה בתוך הים׃

עת נשברת מימים במעמקי מים מערבך וכל קהלך בתוכך נפלו׃

נשאו נהרות יהוה נשאו נהרות קולם ישאו נהרות דכים׃

מקלות מים רבים אדירים משברי ים אדיר במרום יהוה׃

ויאמר ויעמד רוח סערה ותרומם גליו׃

וינהם עליו ביום ההוא כנהמת ים ונבט לארץ והנה חשך צר ואור חשך בעריפיה׃

קשת וכידון יחזיקו אכזרי הוא ולא ירחמו קולם כים יהמה ועל סוסים ירכבו ערוך כאיש למלחמה עליך בת ציון׃

עלה על בבל הים בהמון גליו נכסתה׃

והיו אתות בשמש ובירח ובכוכבים ועל הארץ מצוקה לגוים ומבוכה מהמית הים ודכיו׃