אמר לבית ישראל כה אמר אדני יהוה הנני מחלל את מקדשי גאון עזכם מחמד עיניכם ומחמל נפשכם ובניכם ובנותיכם אשר עזבתם בחרב יפלו׃

יפה נוף משוש כל הארץ הר ציון ירכתי צפון קרית מלך רב׃

מציון מכלל יפי אלהים הופיע׃

שיר המעלות לדוד שמחתי באמרים לי בית יהוה נלך׃

ירושלם הבנויה כעיר שחברה לה יחדו׃

כי שמה ישבו כסאות למשפט כסאות לבית דויד׃

יהי שלום בחילך שלוה בארמנותיך׃

למען בית יהוה אלהינו אבקשה טוב לך׃

אל תבטחו לכם אל דברי השקר לאמר היכל יהוה היכל יהוה היכל יהוה המה׃

בניך ובנתיך נתנים לעם אחר ועיניך ראות וכלות אליהם כל היום ואין לאל ידך׃

לכן כה אמר יהוה צבאות הנני פקד עליהם הבחורים ימתו בחרב בניהם ובנותיהם ימתו ברעב׃

וישחט מלך בבל את בני צדקיהו לעיניו וגם את כל שרי יהודה שחט ברבלתה׃