הנה נשיאי ישראל איש לזרעו היו בך למען שפך דם׃

ותעל אחד מגריה כפיר היה וילמד לטרף טרף אדם אכל׃

ותרא כי נוחלה אבדה תקותה ותקח אחד מגריה כפיר שמתהו׃

הנה נשיאי ישראל איש לזרעו היו בך למען שפך דם׃

כה אמר אדני יהוה רב לכם נשיאי ישראל חמס ושד הסירו ומשפט וצדקה עשו הרימו גרשתיכם מעל עמי נאם אדני יהוה׃

שריך סוררים וחברי גנבים כלו אהב שחד ורדף שלמנים יתום לא ישפטו וריב אלמנה לא יבוא אליהם׃

כרפאי לישראל ונגלה עון אפרים ורעות שמרון כי פעלו שקר וגנב יבוא פשט גדוד בחוץ׃

ברעתם ישמחו מלך ובכחשיהם שרים׃

יום מלכנו החלו שרים חמת מיין משך ידו את לצצים׃

כלם יחמו כתנור ואכלו את שפטיהם כל מלכיהם נפלו אין קרא בהם אלי׃

שנאי טוב ואהבי רעה גזלי עורם מעליהם ושארם מעל עצמותם׃

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת׃

שמעו נא זאת ראשי בית יעקב וקציני בית ישראל המתעבים משפט ואת כל הישרה יעקשו׃

ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה׃

אל תשמחי איבתי לי כי נפלתי קמתי כי אשב בחשך יהוה אור לי׃

שריה בקרבה אריות שאגים שפטיה זאבי ערב לא גרמו לבקר׃

ואתם הכלמתם את העני הלא העשירים הם העשקים אתכם והם הסחבים אתכם אל בתי דין׃

הלא הם המגדפים את השם הטוב הנקרא עליכם׃

והנה הכיתי כפי אל בצעך אשר עשית ועל דמך אשר היו בתוכך׃

ויאמר אליהם הן כתוב כי ביתי בית תפלה יקרא ואתם שמתם אתו למערת פריצים׃

הוי העשירים בכו והילילו על הצרות אשר תבאנה עליכם׃

זהבכם וכספכם כסתם חלאה והיתה חלאתם בכם לעדות ואכלה כמו אש את בשרכם אצרתם לכם אוצרות בקץ הימים׃