26
הוא יקראני אבי אתה אלי וצור ישועתי׃
27
אף אני בכור אתנהו עליון למלכי ארץ׃
28
לעולם אשמור לו חסדי ובריתי נאמנת לו׃
29
ושמתי לעד זרעו וכסאו כימי שמים׃
30
אם יעזבו בניו תורתי ובמשפטי לא ילכון׃
31
אם חקתי יחללו ומצותי לא ישמרו׃
32
ופקדתי בשבט פשעם ובנגעים עונם׃
38
ואתה זנחת ותמאס התעברת עם משיחך׃
39
נארתה ברית עבדך חללת לארץ נזרו׃
40
פרצת כל גדרתיו שמת מבצריו מחתה׃
41
שסהו כל עברי דרך היה חרפה לשכניו׃
42
הרימות ימין צריו השמחת כל אויביו׃
43
אף תשיב צור חרבו ולא הקימתו במלחמה׃
44
השבת מטהרו וכסאו לארץ מגרתה׃
45
הקצרת ימי עלומיו העטית עליו בושה סלה׃