18
וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח׃
19
וארשתיך לי לעולם וארשתיך לי בצדק ובמשפט ובחסד וברחמים׃
20
וארשתיך לי באמונה וידעת את יהוה׃
21
והיה ביום ההוא אענה נאם יהוה אענה את השמים והם יענו את הארץ׃
22
והארץ תענה את הדגן ואת התירוש ואת היצהר והם יענו את יזרעאל׃
23
וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי׃