וזכרתי אני את בריתי אותך בימי נעוריך והקמותי לך ברית עולם׃

והגביר ברית לרבים שבוע אחד וחצי השבוע ישבית זבח ומנחה ועל כנף שקוצים משמם ועד כלה ונחרצה תתך על שמם׃

וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח׃

וארשתיך לי באמונה וידעת את יהוה׃

והארץ תענה את הדגן ואת התירוש ואת היצהר והם יענו את יזרעאל׃

ונפל חלל בתוככם וידעתם כי אני יהוה׃

וידעו בית ישראל כי אני יהוה אלהיהם מן היום ההוא והלאה׃

ונתתי להם לב לדעת אתי כי אני יהוה והיו לי לעם ואנכי אהיה להם לאלהים כי ישבו אלי בכל לבם׃

וידעתם כי אני יהוה אלהיכם שכן בציון הר קדשי והיתה ירושלם קדש וזרים לא יעברו בה עוד׃