Ezechiel 12:1-3
1
ויהי דבר יהוה אלי לאמר׃
2
בן אדם בתוך בית המרי אתה ישב אשר עינים להם לראות ולא ראו אזנים להם לשמע ולא שמעו כי בית מרי הם׃
3
ואתה בן אדם עשה לך כלי גולה וגלה יומם לעיניהם וגלית ממקומך אל מקום אחר לעיניהם אולי יראו כי בית מרי המה׃
Ezechiel 2:5-8
5
והמה אם ישמעו ואם יחדלו כי בית מרי המה וידעו כי נביא היה בתוכם׃
6
ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה׃
7
ודברת את דברי אליהם אם ישמעו ואם יחדלו כי מרי המה׃
8
ואתה בן אדם שמע את אשר אני מדבר אליך אל תהי מרי כבית המרי פצה פיך ואכל את אשר אני נתן אליך׃
Ezechiel 17:12
אמר נא לבית המרי הלא ידעתם מה אלה אמר הנה בא מלך בבל ירושלם ויקח את מלכה ואת שריה ויבא אותם אליו בבלה׃
Ezechiel 20:49
ואמר אהה אדני יהוה המה אמרים לי הלא ממשל משלים הוא׃
Ezechiel 24:19
ויאמרו אלי העם הלא תגיד לנו מה אלה לנו כי אתה עשה׃