Ezechiel 7:7
באה הצפירה אליך יושב הארץ בא העת קרוב היום מהומה ולא הד הרים׃
Ezechiel 12:22
בן אדם מה המשל הזה לכם על אדמת ישראל לאמר יארכו הימים ואבד כל חזון׃
Ezechiel 12:27
בן אדם הנה בית ישראל אמרים החזון אשר הוא חזה לימים רבים ולעתים רחוקות הוא נבא׃
Esaïe 5:19
האמרים ימהר יחישה מעשהו למען נראה ותקרב ותבואה עצת קדוש ישראל ונדעה׃
Jérémie 1:11
ויהי דבר יהוה אלי לאמר מה אתה ראה ירמיהו ואמר מקל שקד אני ראה׃
Jérémie 1:12
ויאמר יהוה אלי היטבת לראות כי שקד אני על דברי לעשתו׃
Amos 6:5
הפרטים על פי הנבל כדויד חשבו להם כלי שיר׃
2 Pierre 3:4
איה הבטחת באו כי מאז שכבו האבות הכל עמד כמו מראשית הבריאה׃
Ezechiel 11:7-11
7
לכן כה אמר אדני יהוה חלליכם אשר שמתם בתוכה המה הבשר והיא הסיר ואתכם הוציא מתוכה׃
8
חרב יראתם וחרב אביא עליכם נאם אדני יהוה׃
9
והוצאתי אתכם מתוכה ונתתי אתכם ביד זרים ועשיתי בכם שפטים׃
10
בחרב תפלו על גבול ישראל אשפוט אתכם וידעתם כי אני יהוה׃
11
היא לא תהיה לכם לסיר ואתם תהיו בתוכה לבשר אל גבול ישראל אשפט אתכם׃
Ezechiel 24:3-14
3
ומשל אל בית המרי משל ואמרת אליהם כה אמר אדני יהוה שפת הסיר שפת וגם יצק בו מים׃
4
אסף נתחיה אליה כל נתח טוב ירך וכתף מבחר עצמים מלא׃
5
מבחר הצאן לקוח וגם דור העצמים תחתיה רתח רתחיה גם בשלו עצמיה בתוכה׃
6
לכן כה אמר אדני יהוה אוי עיר הדמים סיר אשר חלאתה בה וחלאתה לא יצאה ממנה לנתחיה לנתחיה הוציאה לא נפל עליה גורל׃
7
כי דמה בתוכה היה על צחיח סלע שמתהו לא שפכתהו על הארץ לכסות עליו עפר׃
8
להעלות חמה לנקם נקם נתתי את דמה על צחיח סלע לבלתי הכסות׃
9
לכן כה אמר אדני יהוה אוי עיר הדמים גם אני אגדיל המדורה׃
10
הרבה העצים הדלק האש התם הבשר והרקח המרקחה והעצמות יחרו׃
11
והעמידה על גחליה רקה למען תחם וחרה נחשתה ונתכה בתוכה טמאתה תתם חלאתה׃
12
תאנים הלאת ולא תצא ממנה רבת חלאתה באש חלאתה׃
13
בטמאתך זמה יען טהרתיך ולא טהרת מטמאתך לא תטהרי עוד עד הניחי את חמתי בך׃
14
אני יהוה דברתי באה ועשיתי לא אפרע ולא אחוס ולא אנחם כדרכיך וכעלילותיך שפטוך נאם אדני יהוה׃
Jérémie 1:13
ויהי דבר יהוה אלי שנית לאמר מה אתה ראה ואמר סיר נפוח אני ראה ופניו מפני צפונה׃