גדר דרכי בגזית נתיבתי עוה׃

לגבר אשר דרכו נסתרה ויסך אלוה בעדו׃

ארחי גדר ולא אעבור ועל נתיבותי חשך ישים׃

הרחקת מידעי ממני שתני תועבות למו כלא ולא אצא׃

ויקחו את ירמיהו וישלכו אתו אל הבור מלכיהו בן המלך אשר בחצר המטרה וישלחו את ירמיהו בחבלים ובבור אין מים כי אם טיט ויטבע ירמיהו בטיט׃

לכן הנני שך את דרכך בסירים וגדרתי את גדרה ונתיבותיה לא תמצא׃

נשקד על פשעי בידו ישתרגו עלו על צוארי הכשיל כחי נתנני אדני בידי לא אוכל קום׃

על צוארנו נרדפנו יגענו לא הונח לנו׃

ויקם את דבריו אשר דבר עלינו ועל שפטינו אשר שפטונו להביא עלינו רעה גדלה אשר לא נעשתה תחת כל השמים כאשר נעשתה בירושלם׃