אפפוני חבלי מות ונחלי בליעל יבעתוני׃

למנצח על שושנים לדוד הושיעני אלהים כי באו מים עד נפש׃

טבעתי ביון מצולה ואין מעמד באתי במעמקי מים ושבלת שטפתני׃

אל תשטפני שבלת מים ואל תבלעני מצולה ואל תאטר עלי באר פיה׃

אזי המים שטפונו נחלה עבר על נפשנו׃

אזי עבר על נפשנו המים הזידונים׃

ותשליכני מצולה בלבב ימים ונהר יסבבני כל משבריך וגליך עלי עברו׃

אפפוני מים עד נפש תהום יסבבני סוף חבוש לראשי׃

ואמר אבד נצחי ותוחלתי מיהוה׃

ימי עברו זמתי נתקו מורשי לבבי׃

אם אקוה שאול ביתי בחשך רפדתי יצועי׃

ואיה אפו תקותי ותקותי מי ישורנה׃

ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃

אני אמרתי בדמי ימי אלכה בשערי שאול פקדתי יתר שנותי׃

דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני׃

ויאמר אלי בן אדם העצמות האלה כל בית ישראל המה הנה אמרים יבשו עצמותינו ואבדה תקותנו נגזרנו לנו׃

כי לא נכחד מכם אחי את צרתנו אשר מצאתנו באסיא אשר כבדה עלינו עד למאד ויותר מכחנו עד כי נואשנו מן החיים׃

אשר הצילנו ממות כזה ועודנו מציל ולו אנחנו מקוים כי יוסיף להצילנו׃