גדר בעדי ולא אצא הכביד נחשתי׃

גדר דרכי בגזית נתיבתי עוה׃

ארחי גדר ולא אעבור ועל נתיבותי חשך ישים׃

זכר עניי ומרודי לענה וראש׃

ויתנו בברותי ראש ולצמאי ישקוני חמץ׃

על מה אנחנו ישבים האספו ונבוא אל ערי המבצר ונדמה שם כי יהוה אלהינו הדמנו וישקנו מי ראש כי חטאנו ליהוה׃

לכן כה אמר יהוה צבאות אלהי ישראל הנני מאכילם את העם הזה לענה והשקיתים מי ראש׃

לכן כה אמר יהוה צבאות על הנבאים הנני מאכיל אותם לענה והשקתים מי ראש כי מאת נביאי ירושלם יצאה חנפה לכל הארץ׃