כי הוא אמר ויהי הוא צוה ויעמד׃

עצת יהוה לעולם תעמד מחשבות לבו לדר ודר׃

לב אדם יחשב דרכו ויהוה יכין צעדו׃

רבות מחשבות בלב איש ועצת יהוה היא תקום׃

אין חכמה ואין תבונה ואין עצה לנגד יהוה׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

וכל דארי ארעא כלה חשיבין וכמצביה עבד בחיל שמיא ודארי ארעא ולא איתי די ימחא בידה ויאמר לה מה עבדת׃

כי למשה אמר וחנתי את אשר אחן ורחמתי את אשר ארחם׃

אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃

הוי האמרים נלכה היום ומחר לעיר פלונית אלמונית ונעשה שם שנה אחת לסחר בה ולהרבות רוח׃

תחת אשר תאמרו אם ירצה יהוה ונחיה נעשה כזה וכזה׃