Lamentations 1:12-14
12
לוא אליכם כל עברי דרך הביטו וראו אם יש מכאוב כמכאבי אשר עולל לי אשר הוגה יהוה ביום חרון אפו׃
13
ממרום שלח אש בעצמתי וירדנה פרש רשת לרגלי השיבני אחור נתנני שממה כל היום דוה׃
14
נשקד על פשעי בידו ישתרגו עלו על צוארי הכשיל כחי נתנני אדני בידי לא אוכל קום׃
Job 19:21
חנני חנני אתם רעי כי יד אלוה נגעה בי׃
Psaumes 71:20
אשר הראיתנו צרות רבות ורעות תשוב תחיינו ומתהמות הארץ תשוב תעלני׃
Psaumes 88:7
עלי סמכה חמתך וכל משבריך ענית סלה׃
Psaumes 88:15
עני אני וגוע מנער נשאתי אמיך אפונה׃
Psaumes 88:16
עלי עברו חרוניך בעותיך צמתותני׃
Esaïe 53:3
נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃
Jérémie 15:17
לא ישבתי בסוד משחקים ואעלז מפני ידך בדד ישבתי כי זעם מלאתני׃
Jérémie 15:18
למה היה כאבי נצח ומכתי אנושה מאנה הרפא היו תהיה לי כמו אכזב מים לא נאמנו׃
Jérémie 20:14-18
14
ארור היום אשר ילדתי בו יום אשר ילדתני אמי אל יהי ברוך׃
15
ארור האיש אשר בשר את אבי לאמר ילד לך בן זכר שמח שמחהו׃
16
והיה האיש ההוא כערים אשר הפך יהוה ולא נחם ושמע זעקה בבקר ותרועה בעת צהרים׃
17
אשר לא מותתני מרחם ותהי לי אמי קברי ורחמה הרת עולם׃
18
למה זה מרחם יצאתי לראות עמל ויגון ויכלו בבשת ימי׃
Jérémie 38:6
ויקחו את ירמיהו וישלכו אתו אל הבור מלכיהו בן המלך אשר בחצר המטרה וישלחו את ירמיהו בחבלים ובבור אין מים כי אם טיט ויטבע ירמיהו בטיט׃