Jérémie 4:31
כי קול כחולה שמעתי צרה כמבכירה קול בת ציון תתיפח תפרש כפיה אוי נא לי כי עיפה נפשי להרגים׃
Ezechiel 7:16-18
16
ופלטו פליטיהם והיו אל ההרים כיוני הגאיות כלם המות איש בעונו׃
17
כל הידים תרפינה וכל ברכים תלכנה מים׃
18
וחגרו שקים וכסתה אותם פלצות ואל כל פנים בושה ובכל ראשיהם קרחה׃
Michée 1:8
על זאת אספדה ואילילה אילכה שילל וערום אעשה מספד כתנים ואבל כבנות יענה׃
Michée 1:9
כי אנושה מכותיה כי באה עד יהודה נגע עד שער עמי עד ירושלם׃
Jérémie 2:14
העבד ישראל אם יליד בית הוא מדוע היה לבז׃
Jérémie 4:13
הנה כעננים יעלה וכסופה מרכבותיו קלו מנשרים סוסיו אוי לנו כי שדדנו׃
Jérémie 4:20
שבר על שבר נקרא כי שדדה כל הארץ פתאם שדדו אהלי רגע יריעתי׃
Jérémie 4:30
ואתי שדוד מה תעשי כי תלבשי שני כי תעדי עדי זהב כי תקרעי בפוך עיניך לשוא תתיפי מאסו בך עגבים נפשך יבקשו׃
Deutéronome 28:29
והיית ממשש בצהרים כאשר ימשש העור באפלה ולא תצליח את דרכיך והיית אך עשוק וגזול כל הימים ואין מושיע׃
Lamentations 5:2
נחלתנו נהפכה לזרים בתינו לנכרים׃
Michée 2:4
ביום ההוא ישא עליכם משל ונהה נהי נהיה אמר שדוד נשדנו חלק עמי ימיר איך ימיש לי לשובב שדינו יחלק׃
Lévitique 18:25
ותטמא הארץ ואפקד עונה עליה ותקא הארץ את ישביה׃
Lévitique 18:28
ולא תקיא הארץ אתכם בטמאכם אתה כאשר קאה את הגוי אשר לפניכם׃
Lévitique 20:22
ושמרתם את כל חקתי ואת כל משפטי ועשיתם אתם ולא תקיא אתכם הארץ אשר אני מביא אתכם שמה לשבת בה׃
Lamentations 4:15
סורו טמא קראו למו סורו סורו אל תגעו כי נצו גם נעו אמרו בגוים לא יוסיפו לגור׃
Michée 2:10
קומו ולכו כי לא זאת המנוחה בעבור טמאה תחבל וחבל נמרץ׃