BethYeshoua - publications et enseignements

Jérémie 25:27

ואמרת אליהם כה אמר יהוה צבאות אלהי ישראל שתו ושכרו וקיו ונפלו ולא תקומו מפני החרב אשר אנכי שלח ביניכם׃

Esaïe 21:4

תעה לבבי פלצות בעתתני את נשף חשקי שם לי לחרדה׃

Esaïe 21:5

ערך השלחן צפה הצפית אכול שתה קומו השרים משחו מגן׃

Esaïe 22:12-14

ויקרא אדני יהוה צבאות ביום ההוא לבכי ולמספד ולקרחה ולחגר שק׃

והנה ששון ושמחה הרג בקר ושחט צאן אכל בשר ושתות יין אכול ושתו כי מחר נמות׃

ונגלה באזני יהוה צבאות אם יכפר העון הזה לכם עד תמתון אמר אדני יהוה צבאות׃

Daniel 5:1-4

בלשאצר מלכא עבד לחם רב לרברבנוהי אלף ולקבל אלפא חמרא שתה׃

בלשאצר אמר בטעם חמרא להיתיה למאני דהבא וכספא די הנפק נבוכדנצר אבוהי מן היכלא די בירושלם וישתון בהון מלכא ורברבנוהי שגלתה ולחנתה׃

באדין היתיו מאני דהבא די הנפקו מן היכלא די בית אלהא די בירושלם ואשתיו בהון מלכא ורברבנוהי שגלתה ולחנתה׃

אשתיו חמרא ושבחו לאלהי דהבא וכספא נחשא פרזלא אעא ואבנא׃

Daniel 5:30-4

Nahoum 1:10

כי עד סירים סבכים וכסבאם סבואים אכלו כקש יבש מלא׃

Nahoum 3:11

גם את תשכרי תהי נעלמה גם את תבקשי מעוז מאויב׃

Jérémie 51:57

והשכרתי שריה וחכמיה פחותיה וסגניה וגבוריה וישנו שנת עולם ולא יקיצו נאם המלך יהוה צבאות שמו׃

Psaumes 13:3

הביטה ענני יהוה אלהי האירה עיני פן אישן המות׃

Psaumes 76:5

אשתוללו אבירי לב נמו שנתם ולא מצאו כל אנשי חיל ידיהם׃

Psaumes 76:6

מגערתך אלהי יעקב נרדם ורכב וסוס׃