עשה משפט יתום ואלמנה ואהב גר לתת לו לחם ושמלה׃

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

יהוה מלך עולם ועד אבדו גוים מארצו׃

לשפט יתום ודך בל יוסיף עוד לערץ אנוש מן הארץ׃

אבי יתומים ודין אלמנות אלהים במעון קדשו׃

שפטו דל ויתום עני ורש הצדיקו׃

יהוה שמר את גרים יתום ואלמנה יעודד ודרך רשעים יעות׃

אל תסג גבול עולם ובשדי יתומים אל תבא׃

כי גאלם חזק הוא יריב את ריבם אתך׃

אשור לא יושיענו על סוס לא נרכב ולא נאמר עוד אלהינו למעשה ידינו אשר בך ירחם יתום׃

ואני לא אחוס על נינוה העיר הגדולה אשר יש בה הרבה משתים עשרה רבו אדם אשר לא ידע בין ימינו לשמאלו ובהמה רבה׃

וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני אמר יהוה צבאות׃

זאת העבודה הטהורה והברה לפני האלהים אבינו לבקר את היתומים והאלמנות בלחצם ולשמר את עצמו נקי מחלאת העולם׃

אבל האלמנה באמת אשר נשארה יחידה שמה אלהים מבטחה ומתמדת בתפלות ובתחנות לילה ויומם׃