הנני שקד עליהם לרעה ולא לטובה ותמו כל איש יהודה אשר בארץ מצרים בחרב וברעב עד כלותם׃

וישקד יהוה על הרעה ויביאה עלינו כי צדיק יהוה אלהינו על כל מעשיו אשר עשה ולא שמענו בקלו׃

ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס לבנות ולנטוע׃

רגע אדבר על גוי ועל ממלכה לנתוש ולנתוץ ולהאביד׃

ורגע אדבר על גוי ועל ממלכה לבנת ולנטע׃

כה תאמר אליו כה אמר יהוה הנה אשר בניתי אני הרס ואת אשר נטעתי אני נתש ואת כל הארץ היא׃

ושמתי עיני עליהם לטובה והשבתים על הארץ הזאת ובניתים ולא אהרס ונטעתים ולא אתוש׃

וששתי עליהם להטיב אותם ונטעתים בארץ הזאת באמת בכל לבי ובכל נפשי׃

כי אלהים יושיע ציון ויבנה ערי יהודה וישבו שם וירשוה׃

כי בנה יהוה ציון נראה בכבודו׃

בונה ירושלם יהוה נדחי ישראל יכנס׃

עת ללדת ועת למות עת לטעת ועת לעקור נטוע׃

עת להרוג ועת לרפוא עת לפרוץ ועת לבנות׃

ותדע ותשכל מן מצא דבר להשיב ולבנות ירושלם עד משיח נגיד שבעים שבעה ושבעים ששים ושנים תשוב ונבנתה רחוב וחרוץ ובצוק העתים׃

ביום ההוא אקים את סכת דויד הנפלת וגדרתי את פרציהן והרסתיו אקים ובניתיה כימי עולם׃

אחרי זאת אשוב ואקים את סכת דויד הנפלת והרסותיה אקים ובניתיה׃