אם התרחצתי במו שלג והזכותי בבר כפי׃

אז בשחת תטבלני ותעבוני שלמותי׃

כי עיני על כל דרכיהם לא נסתרו מלפני ולא נצפן עונם מנגד עיני׃

חטאת יהודה כתובה בעט ברזל בצפרן שמיר חרושה על לוח לבם ולקרנות מזבחותיכם׃

הלא הוא כמס עמדי חתם באוצרתי׃

חתם בצרור פשעי ותטפל על עוני׃

שת עונתינו לנגדך עלמנו למאור פניך׃

אם עונות תשמר יה אדני מי יעמד׃

צרור עון אפרים צפונה חטאתו׃

נשבע יהוה בגאון יעקב אם אשכח לנצח כל מעשיהם׃