Jérémie 8:18
מבליגיתי עלי יגון עלי לבי דוי׃
Jérémie 8:21
על שבר בת עמי השברתי קדרתי שמה החזקתני׃
Jérémie 9:1
מי יתן ראשי מים ועיני מקור דמעה ואבכה יומם ולילה את חללי בת עמי׃
Jérémie 13:17
ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃
Psaumes 80:4
יהוה אלהים צבאות עד מתי עשנת בתפלת עמך׃
Psaumes 80:5
האכלתם לחם דמעה ותשקמו בדמעות שליש׃
Psaumes 119:136
פלגי מים ירדו עיני על לא שמרו תורתך׃
Lamentations 1:16
על אלה אני בוכיה עיני עיני ירדה מים כי רחק ממני מנחם משיב נפשי היו בני שוממים כי גבר אויב׃
Lamentations 2:18
צעק לבם אל אדני חומת בת ציון הורידי כנחל דמעה יומם ולילה אל תתני פוגת לך אל תדם בת עינך׃
Lamentations 3:48
פלגי מים תרד עיני על שבר בת עמי׃
Lamentations 3:49
עיני נגרה ולא תדמה מאין הפגות׃
Esaïe 37:22
זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃
Lamentations 1:15
סלה כל אבירי אדני בקרבי קרא עלי מועד לשבר בחורי גת דרך אדני לבתולת בת יהודה׃
Lamentations 2:13
מה אעודך מה אדמה לך הבת ירושלם מה אשוה לך ואנחמך בתולת בת ציון כי גדול כים שברך מי ירפא לך׃
Amos 5:2
נפלה לא תוסיף קום בתולת ישראל נטשה על אדמתה אין מקימה׃
Jérémie 30:14
כל מאהביך שכחוך אותך לא ידרשו כי מכת אויב הכיתיך מוסר אכזרי על רב עונך עצמו חטאתיך׃
Jérémie 30:15
מה תזעק על שברך אנוש מכאבך על רב עונך עצמו חטאתיך עשיתי אלה לך׃
Psaumes 39:10
הסר מעלי נגעך מתגרת ידך אני כליתי׃
Michée 6:13
וגם אני החליתי הכותך השמם על חטאתך׃