ונשחת הכלי אשר הוא עשה בחמר ביד היוצר ושב ויעשהו כלי אחר כאשר ישר בעיני היוצר לעשות׃

הכיוצר הזה לא אוכל לעשות לכם בית ישראל נאם יהוה הנה כחמר ביד היוצר כן אתם בידי בית ישראל׃

על צוארנו נרדפנו יגענו לא הונח לנו׃

אבתינו חטאו אינם אנחנו עונתיהם סבלנו׃

שמעו והאזינו אל תגבהו כי יהוה דבר׃

ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃

ושברתי את גאון עזכם ונתתי את שמיכם כברזל ואת ארצכם כנחשה׃

עדה נא גאון וגבה והוד והדר תלבש׃

ראה כל גאה הכניעהו והדך רשעים תחתם׃

לפני שבר גאון ולפני כשלון גבה רוח׃

בוא בצור והטמן בעפר מפני פחד יהוה ומהדר גאנו׃

כי יום ליהוה צבאות על כל גאה ורם ועל כל נשא ושפל׃

ועל כל ההרים הרמים ועל כל הגבעות הנשאות׃

ועל כל אניות תרשיש ועל כל שכיות החמדה׃

יהוה צבאות יעצה לחלל גאון כל צבי להקל כל נכבדי ארץ׃

ותגבהינה ותעשינה תועבה לפני ואסיר אתהן כאשר ראיתי׃

ולוא היתה סדם אחותך לשמועה בפיך ביום גאוניך׃

כי שב יהוה את גאון יעקב כגאון ישראל כי בקקום בקקים וזמריהם שחתו׃

ביום ההוא לא תבושי מכל עלילתיך אשר פשעת בי כי אז אסיר מקרבך עליזי גאותך ולא תוספי לגבהה עוד בהר קדשי׃

אני אמר לכם כי ירד זה לביתו נצדק מזה כי כל המרים את נפשו ישפל ואשר ישפילה ירומם׃

וגם יגדיל לתת חן על כן אומר אלהים ללצים יליץ ולענוים יתן חן׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃

שמענו גאון מואב גאה מאד גבהו וגאונו וגאותו ורם לבו׃

שמענו גאון מואב גא מאד גאותו וגאונו ועברתו לא כן בדיו׃