הולך אחריה פתאם כשור אל טבח יבוא וכעכס אל מוסר אויל׃

נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃

ויאמרו לכו ונחשבה על ירמיהו מחשבות כי לא תאבד תורה מכהן ועצה מחכם ודבר מנביא לכו ונכהו בלשון ואל נקשיבה אל כל דבריו׃

כי שמעתי דבת רבים מגור מסביב הגידו ונגידנו כל אנוש שלומי שמרי צלעי אולי יפתה ונוכלה לו ונקחה נקמתנו ממנו׃

כי שמעתי דבת רבים מגור מסביב בהוסדם יחד עלי לקחת נפשי זממו׃

ובצלעי שמחו ונאספו נאספו עלי נכים ולא ידעתי קרעו ולא דמו׃

צופה רשע לצדיק ומבקש להמיתו׃

יהוה לא יעזבנו בידו ולא ירשיענו בהשפטו׃

וכלי כליו רעים הוא זמות יעץ לחבל ענוים באמרי שקר ובדבר אביון משפט׃

ויקהלו הכהנים הגדולים והסופרים וזקני העם אל חצר הכהן הגדול הנקרא קיפא׃

ויועצו יחדו לתפש את ישוע בערמה ולהמיתו׃

אמרו לכו ונכחידם מגוי ולא יזכר שם ישראל עוד׃

מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃

ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃

ולמועד שלח עבד אל הכרמים לתת לו מפרי הכרם והכרמים הכהו וישלחהו ריקם׃

ויסף לשלח שלישי וגם אתו פצעו ויגרשהו וידחפהו חוצה׃

וכראות אתו הכרמים נועצו יחדו לאמר זה הוא היורש לכו ונהרגהו ותהי לנו הירשה׃

לא ידע אנוש ערכה ולא תמצא בארץ החיים׃

לולא האמנתי לראות בטוב יהוה בארץ חיים׃

גם אל יתצך לנצח יחתך ויסחך מאהל ושרשך מארץ חיים סלה׃

אתהלך לפני יהוה בארצות החיים׃

זעקתי אליך יהוה אמרתי אתה מחסי חלקי בארץ החיים׃

יהי אחריתו להכרית בדור אחר ימח שמם׃

כי לעולם לא ימוט לזכר עולם יהיה צדיק׃

זכר צדיק לברכה ושם רשעים ירקב׃

אמרתי לא אראה יה יה בארץ החיים לא אביט אדם עוד עם יושבי חדל׃

לגד אליסף בן דעואל׃