ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃

כלנו כצאן תעינו איש לדרכו פנינו ויהוה הפגיע בו את עון כלנו׃

מי יתן טהור מטמא לא אחד׃

מה אנוש כי יזכה וכי יצדק ילוד אשה׃

אף כי נתעב ונאלח איש שתה כמים עולה׃

ומה יצדק אנוש עם אל ומה יזכה ילוד אשה׃

הן קלתי מה אשיבך ידי שמתי למו פי׃

לשמע אזן שמעתיך ועתה עיני ראתך׃

על כן אמאס ונחמתי על עפר ואפר׃

הן בעוון חוללתי ובחטא יחמתני אמי׃

כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃

אוי לי האדם העני מי יצילני מגוף המות הזה׃

גם אתכם המתים לפנים בפשעיכם וחטאתיכם׃

אשר התהלכתם בהם לפי דור העולם הזה כרצון שר ממשלת האויר והוא הרוח הפעל כעת בבני המרי׃

כי גם אנחנו היינו מלפנים חסרי דעת וסוררים ותועים ועבדים לתאות ולתשוקות שנות ומתהלכים ברשעה וקנאה ושנואים ושנאים איש את אחיו׃

אני אגיד צדקתך ואת מעשיך ולא יועילוך׃

ויהושע היה לבש בגדים צואים ועמד לפני המלאך׃

ולא תהיה לי צדקתי מתוך התורה כי אם באמונת המשיח הצדקה הבאה מאת האלהים באמונה׃

כי אמרת אך עשרתי מצאתי און לי ולא חסרתי כל ולא ידעת כי אמלל אתה ודוי ועני ועור וערם׃

אני איעצך לפנות מאתי זהב צרוף באש למען תעשיר ובגדים לבנים למען תתכסה בהם ולא תראה בשת ערותות ולמשח עיניך קלורית למען תראה׃

ויען אחד מן הזקנים ויאמר אלי אלה המלבשים בגדי לבן מי המה ומאין באו׃

קול אמר קרא ואמר מה אקרא כל הבשר חציר וכל חסדו כציץ השדה׃

יבש חציר נבל ציץ ודבר אלהינו יקום לעולם׃

זרמתם שנה יהיו בבקר כחציר יחלף׃

בבקר יציץ וחלף לערב ימולל ויבש׃

והעשיר יתהלל בשפלותו כי יעבר כציץ החציר׃

כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

כי כל בשר חציר וכל כבוד איש כציץ השדה יבש חציר נבל ציץ׃

ודבר יהוה יקום לעולם וזה הוא הדבר אשר בשר לכם׃

בזעקך יצילך קבוציך ואת כלם ישא רוח יקח הבל והחוסה בי ינחל ארץ ויירש הר קדשי׃

לא כן הרשעים כי אם כמץ אשר תדפנו רוח׃

בעת ההיא יאמר לעם הזה ולירושלם רוח צח שפיים במדבר דרך בת עמי לוא לזרות ולוא להבר׃

רוח מלא מאלה יבוא לי עתה גם אני אדבר משפטים אותם׃

צרר רוח אותה בכנפיה ויבשו מזבחותם׃

ויאמר זאת הרשעה וישלך אתה אל תוך האיפה וישלך את אבן העפרת אל פיה׃

ואמר אל המלאך הדבר בי אנה המה מולכות את האיפה׃