הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

כי יהיה בך אביון מאחד אחיך באחד שעריך בארצך אשר יהוה אלהיך נתן לך לא תאמץ את לבבך ולא תקפץ את ידך מאחיך האביון׃

השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

למנצח מזמור לדוד אשרי משכיל אל דל ביום רעה ימלטהו יהוה׃

טוב איש חונן ומלוה יכלכל דבריו במשפט׃

משמועה רעה לא יירא נכון לבו בטח ביהוה׃

פזר נתן לאביונים צדקתו עמדת לעד קרנו תרום בכבוד׃

יש מפזר ונוסף עוד וחושך מישר אך למחסור׃

נפש ברכה תדשן ומרוה גם הוא יורא׃

עשק דל חרף עשהו ומכבדו חנן אביון׃

נותן לרש אין מחסור ומעלים עיניו רב מארות׃

וישמע ישוע ויאמר עוד אחת חסרת מכר את כל אשר לך וחלק לעניים ויהי לך אוצר בשמים ובוא ולך אחרי׃

אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃

ושמעו ביום ההוא החרשים דברי ספר ומאפל ומחשך עיני עורים תראינה׃

ומצהרים יקום חלד תעפה כבקר תהיה׃

והוציא כאור צדקך ומשפטך כצהרים׃