Esaïe 3:11
אוי לרשע רע כי גמול ידיו יעשה לו׃
Job 15:20-24
20
כל ימי רשע הוא מתחולל ומספר שנים נצפנו לעריץ׃
21
קול פחדים באזניו בשלום שודד יבואנו׃
22
לא יאמין שוב מני חשך וצפו הוא אלי חרב׃
23
נדד הוא ללחם איה ידע כי נכון בידו יום חשך׃
24
יבעתהו צר ומצוקה תתקפהו כמלך עתיד לכידור׃
Job 18:5-14
5
גם אור רשעים ידעך ולא יגה שביב אשו׃
6
אור חשך באהלו ונרו עליו ידעך׃
7
יצרו צעדי אונו ותשליכהו עצתו׃
8
כי שלח ברשת ברגליו ועל שבכה יתהלך׃
9
יאחז בעקב פח יחזק עליו צמים׃
10
טמון בארץ חבלו ומלכדתו עלי נתיב׃
11
סביב בעתהו בלהות והפיצהו לרגליו׃
12
יהי רעב אנו ואיד נכון לצלעו׃
13
יאכל בדי עורו יאכל בדיו בכור מות׃
14
ינתק מאהלו מבטחו ותצעדהו למלך בלהות׃
Job 20:11-29
11
עצמותיו מלאו עלומו ועמו על עפר תשכב׃
12
אם תמתיק בפיו רעה יכחידנה תחת לשונו׃
13
יחמל עליה ולא יעזבנה וימנענה בתוך חכו׃
14
לחמו במעיו נהפך מרורת פתנים בקרבו׃
15
חיל בלע ויקאנו מבטנו יורשנו אל׃
16
ראש פתנים יינק תהרגהו לשון אפעה׃
17
אל ירא בפלגות נהרי נחלי דבש וחמאה׃
18
משיב יגע ולא יבלע כחיל תמורתו ולא יעלס׃
19
כי רצץ עזב דלים בית גזל ולא יבנהו׃
20
כי לא ידע שלו בבטנו בחמודו לא ימלט׃
21
אין שריד לאכלו על כן לא יחיל טובו׃
22
במלאות שפקו יצר לו כל יד עמל תבואנו׃
23
יהי למלא בטנו ישלח בו חרון אפו וימטר עלימו בלחומו׃
24
יברח מנשק ברזל תחלפהו קשת נחושה׃
25
שלף ויצא מגוה וברק ממררתו יהלך עליו אמים׃
26
כל חשך טמון לצפוניו תאכלהו אש לא נפח ירע שריד באהלו׃
27
יגלו שמים עונו וארץ מתקוממה לו׃
28
יגל יבול ביתו נגרות ביום אפו׃
29
זה חלק אדם רשע מאלהים ונחלת אמרו מאל׃
Psaumes 73:18-20
18
אך בחלקות תשית למו הפלתם למשואות׃
19
איך היו לשמה כרגע ספו תמו מן בלהות׃
20
כחלום מהקיץ אדני בעיר צלמם תבזה׃
Proverbes 4:16
כי לא ישנו אם לא ירעו ונגזלה שנתם אם לא יכשולו׃
Proverbes 4:17
כי לחמו לחם רשע ויין חמסים ישתו׃
Jude 1:12
הלא צורי מכשול המה בסעודתיכם של אהבה ובקלות ראש יאכלו וישתו עמכם ורעים את נפשם עננים הם בבלי מים הנדפים מפני רוח עצי חרף באין פרי אשר מתו פעמים ונעקרו׃