כה אמר יהוה גאל ישראל קדושו לבזה נפש למתעב גוי לעבד משלים מלכים יראו וקמו שרים וישתחוו למען יהוה אשר נאמן קדש ישראל ויבחרך׃

גוי נתתי למכים ולחיי למרטים פני לא הסתרתי מכלמות ורק׃

ואנכי תולעת ולא איש חרפת אדם ובזוי עם׃

גל אל יהוה יפלטהו יצילהו כי חפץ בו׃

ואבכה בצום נפשי ותהי לחרפות לי׃

ישיחו בי ישבי שער ונגינות שותי שכר׃

עתה תתגדדי בת גדוד מצור שם עלינו בשבט יכו על הלחי את שפט ישראל׃

ואכחד את שלשת הרעים בירח אחד ותקצר נפשי בהם וגם נפשם בחלה בי׃

ואמר אליהם אם טוב בעיניכם הבו שכרי ואם לא חדלו וישקלו את שכרי שלשים כסף׃

ויאמר יהוה אלי השליכהו אל היוצר אדר היקר אשר יקרתי מעליהם ואקחה שלשים הכסף ואשליך אתו בית יהוה אל היוצר׃

וירקו בפניו ויכהו באגרוף ואחרים הכהו על הלחי׃

והעברים גדפו אותו ויניעו את ראשם׃

וכן הלעיגו גם ראשי הכהנים עם הסופרים והזקנים לאמר׃

בטח באלהים עתה יפלטהו אם חפץ בו כי אמר בן האלהים אני׃

ויען ויאמר להם הנה אליהו בא בראשונה וישיב את הכל ומה כתוב על בן האדם הלא כי יענה הרבה וימאס׃

ויכו על ראשו בקנה וירקו בו ויכרעו על ברכיהם וישתחוו לו׃

וישחקו עליו באשר ידעו כי מתה׃

ויאמר מן הצרך הוא אשר בן האדם יענה הרבה וימאס מן הזקנים והכהנים הגדולים והסופרים ויהרג וביום השלישי קום יקום׃

וישמעו כל זאת גם הפרושים אשר הם אהבי כסף וילעגו לו׃

ויצעקו כל המונם ויאמרו הסר את זה ופטר לנו את בר אבא׃

ויסף פילטוס לשאת קולו כי חפץ לפטר את ישוע׃

ויאמר אליהם פעם שלישית מה אפוא עשה זה רעה כל אשמת מות לא מצאתי בו על כן איסרנו ואפטרנו׃

ויגזר פילטוס כי תעשה בקשתם׃

אז יענו היהודים ויאמרו אליו הלא הטבנו אשר דברנו כי שמרוני אתה ושד בך׃

ונביטה אל ישוע ראש האמונה ומשלימה אשר בעד השמחה השמורה לו סבל את הצלב ויבז החרפה וישב לימין כסא האלהים׃

התבוננו אליו אשר נשא כלמת חטאים גדולה כזאת למען לא תיעפו ולא תיגעו בנפשותיכם׃

אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃

ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

ואני עני וכואב ישועתך אלהים תשגבני׃

ויקח אתו את פטרוס ואת שני בני זבדי ויחל להעצב ולמוג׃

ויאמר להם נפשי מרה לי עד מות עמדו פה ושקדו עמי׃

ויאמר אליהם נפשי מרה לי עד מות עמדו פה ושקדו׃

ויהי כאשר קרב וירא את העיר ויבך עליה לאמר׃

ויבך ישוע׃

ולהתיר את אלה אשר מאימת המות היו נתנים לעבדות כל ימי חייהם׃

על כן היה עליו להדמות לאחיו בכל דבר למען אשר יהיה כהן גדול רחמן ונאמן בעניני אלהים לכפר על חטאת העם׃

כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃

אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃

וישמן ישרון ויבעט שמנת עבית כשית ויטש אלוה עשהו וינבל צור ישעתו׃

ויאמר יהוה אלי השליכהו אל היוצר אדר היקר אשר יקרתי מעליהם ואקחה שלשים הכסף ואשליך אתו בית יהוה אל היוצר׃

אז נתמלא מה שנאמר ביד ירמיה הנביא ויקחו שלשים הכסף אדר היקר אשר יקר מעל בני ישראל׃

ויתנו אתם אל שדה היוצר כאשר צוני יהוה׃

בעולם היה ועל ידו נהיה העולם והעולם לא הכירו׃

הוא בא אל אשר לו ואשר המה לו לא קבלהו׃

אלהי אברהם אלהי יצחק ואלהי יעקב אלהי אבותינו הוא פאר את עבדו ישוע אשר אתם מסרתם אותו וכחשתם בו בפני פילטוס כשהיה דן לפטרו׃

ואת שר החיים הרגתם אשר האלהים הקימו מן המתים ואנחנו עדיו׃