עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

עורי עורי לבשי עזך ציון לבשי בגדי תפארתך ירושלם עיר הקדש כי לא יוסיף יבא בך עוד ערל וטמא׃

קומי אורי כי בא אורך וכבוד יהוה עליך זרח׃

כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

עורי עורי דבורה עורי עורי דברי שיר קום ברק ושבה שביך בן אבינעם׃

הקיצו במישרים משכרון ואל תחטאו כי יש אנשים אשר אין בהם דעת אלהים לבשתכם אני אמר זאת׃

על כן הוא אומר עורה הישן וקומה מן המתים ויאר לך המשיח׃

יככה יהוה בשגעון ובעורון ובתמהון לבב׃

והיית משגע ממראה עיניך אשר תראה׃

יראו עינו כידו ומחמת שדי ישתה׃

ימטר על רשעים פחים אש וגפרית ורוח זלעפות מנת כוסם׃

הראיתה עמך קשה השקיתנו יין תרעלה׃

כי כוס ביד יהוה ויין חמר מלא מסך ויגר מזה אך שמריה ימצו ישתו כל רשעי ארץ׃

וכל קרני רשעים אגדע תרוממנה קרנות צדיק׃

כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהם׃

ואקח את הכוס מיד יהוה ואשקה את כל הגוים אשר שלחני יהוה אליהם׃

בדרך אחותך הלכת ונתתי כוסה בידך׃

שכרון ויגון תמלאי כוס שמה ושממה כוס אחותך שמרון׃

הנה אנכי שם את ירושלם סף רעל לכל העמים סביב וגם על יהודה יהיה במצור על ירושלם׃

גם הוא שתה ישתה מיין חמת אלהים יין בלתי מהול הנמסך בכוס זעמו ויענה באש וגפרית לפני המלאכים הקדשים ולפני השה׃

שלמו לה גמולה שגמלה לכם ועשו לה כפלים כפעלה בכוס אשר מסכה מסכו לה כפלים׃