כה אמר האל יהוה בורא השמים ונוטיהם רקע הארץ וצאצאיה נתן נשמה לעם עליה ורוח להלכים בה׃

כי כה אמר יהוה בורא השמים הוא האלהים יצר הארץ ועשה הוא כוננה לא תהו בראה לשבת יצרה אני יהוה ואין עוד׃

כי ששת ימים עשה יהוה את השמים ואת הארץ את הים ואת כל אשר בם וינח ביום השביעי על כן ברך יהוה את יום השבת ויקדשהו׃

לפנים הארץ יסדת ומעשה ידיך שמים׃

ועוד אתה אדני לפנים הארץ יסדת ומעשה ידיך שמים׃

כלבוש תחליפם ויחלפו ואתה הוא ושנותיך לא יתמו׃

מי מדד בשעלו מים ושמים בזרת תכן וכל בשלש עפר הארץ ושקל בפלס הרים וגבעות במאזנים׃

הישב על חוג הארץ וישביה כחגבים הנוטה כדק שמים וימתחם כאהל לשבת׃

תרקיע עמו לשחקים חזקים כראי מוצק׃

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃

לעולם יהוה דברך נצב בשמים׃

למשפטיך עמדו היום כי הכל עבדיך׃

מונה מספר לכוכבים לכלם שמות יקרא׃

יהללו את שם יהוה כי הוא צוה ונבראו׃

הללו את יהוה מן הארץ תנינים וכל תהמות׃