הנני נותן בו רוח ושמע שמועה ושב אל ארצו והפלתיו בחרב בארצו׃

וגנותי על העיר הזאת להושיעה למעני ולמען דוד עבדי׃

ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

מדעתי כי קשה אתה וגיד ברזל ערפך ומצחך נחושה׃

שמעת חזה כלה ואתם הלוא תגידו השמעתיך חדשות מעתה ונצרות ולא ידעתם׃

יהוה בדד ינחנו ואין עמו אל נכר׃

לא יהיה בך אל זר ולא תשתחוה לאל נכר׃

אנכי יהוה אלהיך המעלך מארץ מצרים הרחב פיך ואמלאהו׃

אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃

ועתה יהוה אלהינו הושיענו מידו וידעו כל ממלכות הארץ כי אתה יהוה לבדך׃

אל תפחדו ואל תרהו הלא מאז השמעתיך והגדתי ואתם עדי היש אלוה מבלעדי ואין צור בל ידעתי׃

זכרו ראשנות מעולם כי אנכי אל ואין עוד אלהים ואפס כמוני׃