מאלה נפרדו איי הגוים בארצתם איש ללשנו למשפחתם בגויהם׃

כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים׃

וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליך׃

שמעו עמים ירגזון חיל אחז ישבי פלשת׃

כי שמענו את אשר הוביש יהוה את מי ים סוף מפניכם בצאתכם ממצרים ואשר עשיתם לשני מלכי האמרי אשר בעבר הירדן לסיחן ולעוג אשר החרמתם אותם׃

ויהי כשמע כל מלכי האמרי אשר בעבר הירדן ימה וכל מלכי הכנעני אשר על הים את אשר הוביש יהוה את מי הירדן מפני בני ישראל עד עברנו וימס לבבם ולא היה בם עוד רוח מפני בני ישראל׃

וייראו ישבי קצות מאותתיך מוצאי בקר וערב תרנין׃

אמרו לאלהים מה נורא מעשיך ברב עזך יכחשו לך איביך׃

יברכנו אלהים וייראו אתו כל אפסי ארץ׃