בי אדני מה אמר אחרי אשר הפך ישראל ערף לפני איביו׃

ועתה מה נאמר אלהינו אחרי זאת כי עזבנו מצותיך׃

נאלמתי לא אפתח פי כי אתה עשית׃

הסר מעלי נגעך מתגרת ידך אני כליתי׃

עתה נבהלה נפשי ומה אמר הושיעני אבי מן השעה הזאת אך על כן באתי אל השעה הזאת׃

ויהי כשמע אחאב את הדברים האלה ויקרע בגדיו וישם שק על בשרו ויצום וישכב בשק ויהלך אט׃

והיא מרת נפש ותתפלל על יהוה ובכה תבכה׃

ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד לי׃

גם אני לא אחשך פי אדברה בצר רוחי אשיחה במר נפשי׃

נקטה נפשי בחיי אעזבה עלי שיחי אדברה במר נפשי׃

וזה ימות בנפש מרה ולא אכל בטובה׃