BethYeshoua - publications et enseignements

Job 30:29

אח הייתי לתנים ורע לבנות יענה׃

Psaumes 102:4-7

הוכה כעשב ויבש לבי כי שכחתי מאכל לחמי׃

מקול אנחתי דבקה עצמי לבשרי׃

דמיתי לקאת מדבר הייתי ככוס חרבות׃

שקדתי ואהיה כצפור בודד על גג׃

Esaïe 59:11

נהמה כדבים כלנו וכיונים הגה נהגה נקוה למשפט ואין לישועה רחקה ממנו׃

Ezechiel 7:16

ופלטו פליטיהם והיו אל ההרים כיוני הגאיות כלם המות איש בעונו׃

Nahoum 2:7

והצב גלתה העלתה ואמהתיה מנהגות כקול יונים מתפפת על לבבהן׃

Psaumes 69:3

יגעתי בקראי נחר גרוני כלו עיני מיחל לאלהי׃

Psaumes 119:82

כלו עיני לאמרתך לאמר מתי תנחמני׃

Psaumes 119:123

עיני כלו לישועתך ולאמרת צדקך׃

Psaumes 123:1-4

שיר המעלות אליך נשאתי את עיני הישבי בשמים׃

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו׃

חננו יהוה חננו כי רב שבענו בוז׃

רבת שבעה לה נפשנו הלעג השאננים הבוז לגאיונים׃

Lamentations 4:17

עודינה תכלינה עינינו אל עזרתנו הבל בצפיתנו צפינו אל גוי לא יושע׃

Psaumes 119:122

ערב עבדך לטוב אל יעשקני זדים׃

Psaumes 143:7

מהר ענני יהוה כלתה רוחי אל תסתר פניך ממני ונמשלתי עם ירדי בור׃