בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

יהוה חננו לך קוינו היה זרעם לבקרים אף ישועתנו בעת צרה׃

ויאמרו אליו כה אמר חזקיהו יום צרה ותוכחה ונאצה היום הזה כי באו בנים עד משבר וכח אין ללדה׃

וישב בצר לו על יהוה אלהי ישראל ויבקשהו וימצא להם׃

וקראני ביום צרה אחלצך ותכבדני׃

יקראני ואענהו עמו אנכי בצרה אחלצהו ואכבדהו׃

אפפוני חבלי מות ומצרי שאול מצאוני צרה ויגון אמצא׃

ובשם יהוה אקרא אנה יהוה מלטה נפשי׃

הוי כי גדול היום ההוא מאין כמהו ועת צרה היא ליעקב וממנה יושע׃

אלך אשובה אל מקומי עד אשר יאשמו ובקשו פני בצר להם ישחרנני׃

לכו ונשובה אל יהוה כי הוא טרף וירפאנו יך ויחבשנו׃

]12-02[ אני את כל אשר אהב אוכיחם ואיסרם לכן תשקד ותשוב, הנני עמד לפתח ודפק והיה כי ישמע איש לקולי ופתח הפתח אבוא אליו לסעוד עמו והוא עמדי׃

אל תקשו לבבכם כמריבה כיום מסה במדבר׃

כמו הרה תקריב ללדת תחיל תזעק בחבליה כן היינו מפניך יהוה׃

הרינו חלנו כמו ילדנו רוח ישועת בל נעשה ארץ ובל יפלו ישבי תבל׃

האני אשביר ולא אוליד יאמר יהוה אם אני המוליד ועצרתי אמר אלהיך׃

חבלי יולדה יבאו לו הוא בן לא חכם כי עת לא יעמד במשבר בנים׃