אין שלום אמר יהוה לרשעים׃

והרשעים כים נגרש כי השקט לא יוכל ויגרשו מימיו רפש וטיט׃

אין שלום אמר אלהי לרשעים׃

לכן כה אמר אדני יהוה הנה עבדי יאכלו ואתם תרעבו הנה עבדי ישתו ואתם תצמאו הנה עבדי ישמחו ואתם תבשו׃

והנחתם שמכם לשבועה לבחירי והמיתך אדני יהוה ולעבדיו יקרא שם אחר׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

על כן לא יקמו רשעים במשפט וחטאים בעדת צדיקים׃

יהוה צדיק יבחן ורשע ואהב חמס שנאה נפשו׃

ימטר על רשעים פחים אש וגפרית ורוח זלעפות מנת כוסם׃

וטוב לא יהיה לרשע ולא יאריך ימים כצל אשר איננו ירא מלפני אלהים׃

תן להם כפעלם וכרע מעלליהם כמעשה ידיהם תן להם השב גמולם להם׃

ולך אדני חסד כי אתה תשלם לאיש כמעשהו׃

ויאכלו מפרי דרכם וממעצתיהם ישבעו׃

כי כלנו עתידים להראות לפני כסא דין המשיח למען יקבל איש ואיש כפי פעלו בחיי גופו אם טוב ואם רע׃

כי אין חסד בדין לאשר לא עשה חסד והחסד יתגאה על הדין׃

מה יתן לך ומה יסיף לך לשון רמיה׃

חצי גבור שנונים עם גחלי רתמים׃