Esaïe 26:13
יהוה אלהינו בעלונו אדנים זולתך לבד בך נזכיר שמך׃
Esaïe 61:10
שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃
Exode 15:2
עזי וזמרת יה ויהי לי לישועה זה אלי ואנוהו אלהי אבי וארממנהו׃
1 Chroniques 29:10-20
10
ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם׃
11
לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃
12
והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃
13
ועתה אלהינו מודים אנחנו לך ומהללים לשם תפארתך׃
14
וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃
15
כי גרים אנחנו לפניך ותושבים ככל אבתינו כצל ימינו על הארץ ואין מקוה׃
16
יהוה אלהינו כל ההמון הזה אשר הכיננו לבנות לך בית לשם קדשך מידך היא ולך הכל׃
17
וידעתי אלהי כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך׃
18
יהוה אלהי אברהם יצחק וישראל אבתינו שמרה זאת לעולם ליצר מחשבות לבב עמך והכן לבבם אליך׃
19
ולשלמה בני תן לבב שלם לשמור מצותיך עדותיך וחקיך ולעשות הכל ולבנות הבירה אשר הכינותי׃
20
ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך׃
Psaumes 99:5
רוממו יהוה אלהינו והשתחוו להדם רגליו קדוש הוא׃
Psaumes 118:28
אלי אתה ואודך אלהי ארוממך׃
Psaumes 145:1
תהלה לדוד ארוממך אלוהי המלך ואברכה שמך לעולם ועד׃
Psaumes 146:2
אהללה יהוה בחיי אזמרה לאלהי בעודי׃
Apocalypse 5:9-14
9
וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃
10
ותעש אתם מלכים וכהנים לאלהינו וימלכו על הארץ׃
11
וארא ואשמע קול מלאכים רבים סביב לכסא ולחיות ולזקנים מספרם רבו רבבות ואלפי אלפים׃
12
קראים בקול גדול נאה לשה הטבוח לקחת עז ועשר וחכמה וגבורה והדר וכבוד וברכה׃
13
וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים׃
14
ותאמרנה ארבע החיות אמן ועשרים וארבעה הזקנים נפלו על פניהם וישתחוו לחי עולמי העולמים׃
Apocalypse 7:12
ויאמרו אמן הברכה והכבוד והחכמה והתודה וההדר והכח והעז לאלהינו לעולמי עולמים אמן׃
Psaumes 40:5
רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר׃
Psaumes 46:10
הרפו ודעו כי אנכי אלהים ארום בגוים ארום בארץ׃
Psaumes 78:4
לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃
Psaumes 98:1
מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃
Psaumes 107:8-43
8
יודו ליהוה חסדו ונפלאותיו לבני אדם׃
9
כי השביע נפש שקקה ונפש רעבה מלא טוב׃
10
ישבי חשך וצלמות אסירי עני וברזל׃
11
כי המרו אמרי אל ועצת עליון נאצו׃
12
ויכנע בעמל לבם כשלו ואין עזר׃
13
ויזעקו אל יהוה בצר להם ממצקותיהם יושיעם׃
14
יוציאם מחשך וצלמות ומוסרותיהם ינתק׃
15
יודו ליהוה חסדו ונפלאותיו לבני אדם׃
16
כי שבר דלתות נחשת ובריחי ברזל גדע׃
17
אולים מדרך פשעם ומעונתיהם יתענו׃
18
כל אכל תתעב נפשם ויגיעו עד שערי מות׃
19
ויזעקו אל יהוה בצר להם ממצקותיהם יושיעם׃
20
ישלח דברו וירפאם וימלט משחיתותם׃
21
יודו ליהוה חסדו ונפלאותיו לבני אדם׃
22
ויזבחו זבחי תודה ויספרו מעשיו ברנה׃
23
יורדי הים באניות עשי מלאכה במים רבים׃
24
המה ראו מעשי יהוה ונפלאותיו במצולה׃
25
ויאמר ויעמד רוח סערה ותרומם גליו׃
26
יעלו שמים ירדו תהומות נפשם ברעה תתמוגג׃
27
יחוגו וינועו כשכור וכל חכמתם תתבלע׃
28
ויצעקו אל יהוה בצר להם וממצוקתיהם יוציאם׃
29
יקם סערה לדממה ויחשו גליהם׃
30
וישמחו כי ישתקו וינחם אל מחוז חפצם׃
31
יודו ליהוה חסדו ונפלאותיו לבני אדם׃
32
וירממוהו בקהל עם ובמושב זקנים יהללוהו׃
33
ישם נהרות למדבר ומצאי מים לצמאון׃
34
ארץ פרי למלחה מרעת ישבי בה׃
35
ישם מדבר לאגם מים וארץ ציה למצאי מים׃
36
ויושב שם רעבים ויכוננו עיר מושב׃
37
ויזרעו שדות ויטעו כרמים ויעשו פרי תבואה׃
38
ויברכם וירבו מאד ובהמתם לא ימעיט׃
39
וימעטו וישחו מעצר רעה ויגון׃
40
שפך בוז על נדיבים ויתעם בתהו לא דרך׃
41
וישגב אביון מעוני וישם כצאן משפחות׃
42
יראו ישרים וישמחו וכל עולה קפצה פיה׃
43
מי חכם וישמר אלה ויתבוננו חסדי יהוה׃
Psaumes 111:4
זכר עשה לנפלאתיו חנון ורחום יהוה׃
Daniel 4:2
אתיא ותמהיא די עבד עמי אלהא עליא שפר קדמי להחויה׃
Daniel 4:3
אתוהי כמה רברבין ותמהוהי כמה תקיפין מלכותה מלכות עלם ושלטנה עם דר ודר׃
Apocalypse 15:3
וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃
Esaïe 28:29
גם זאת מעם יהוה צבאות יצאה הפליא עצה הגדיל תושיה׃
Esaïe 46:10
מגיד מראשית אחרית ומקדם אשר לא נעשו אמר עצתי תקום וכל חפצי אעשה׃
Nombres 23:19
לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃
Psaumes 33:10
יהוה הפיר עצת גוים הניא מחשבות עמים׃
Psaumes 33:11
עצת יהוה לעולם תעמד מחשבות לבו לדר ודר׃
Jérémie 32:17-24
17
אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃
18
עשה חסד לאלפים ומשלם עון אבות אל חיק בניהם אחריהם האל הגדול הגבור יהוה צבאות שמו׃
19
גדל העצה ורב העליליה אשר עיניך פקחות על כל דרכי בני אדם לתת לאיש כדרכיו וכפרי מעלליו׃
20
אשר שמת אתות ומפתים בארץ מצרים עד היום הזה ובישראל ובאדם ותעשה לך שם כיום הזה׃
21
ותצא את עמך את ישראל מארץ מצרים באתות ובמופתים וביד חזקה ובאזרוע נטויה ובמורא גדול׃
22
ותתן להם את הארץ הזאת אשר נשבעת לאבותם לתת להם ארץ זבת חלב ודבש׃
23
ויבאו וירשו אתה ולא שמעו בקולך ובתרותך לא הלכו את כל אשר צויתה להם לעשות לא עשו ותקרא אתם את כל הרעה הזאת׃
24
הנה הסללות באו העיר ללכדה והעיר נתנה ביד הכשדים הנלחמים עליה מפני החרב והרעב והדבר ואשר דברת היה והנך ראה׃
Ezechiel 38:17-23
17
כה אמר אדני יהוה האתה הוא אשר דברתי בימים קדמונים ביד עבדי נביאי ישראל הנבאים בימים ההם שנים להביא אתך עליהם׃
18
והיה ביום ההוא ביום בוא גוג על אדמת ישראל נאם אדני יהוה תעלה חמתי באפי׃
19
ובקנאתי באש עברתי דברתי אם לא ביום ההוא יהיה רעש גדול על אדמת ישראל׃
20
ורעשו מפני דגי הים ועוף השמים וחית השדה וכל הרמש הרמש על האדמה וכל האדם אשר על פני האדמה ונהרסו ההרים ונפלו המדרגות וכל חומה לארץ תפול׃
21
וקראתי עליו לכל הרי חרב נאם אדני יהוה חרב איש באחיו תהיה׃
22
ונשפטתי אתו בדבר ובדם וגשם שוטף ואבני אלגביש אש וגפרית אמטיר עליו ועל אגפיו ועל עמים רבים אשר אתו׃
23
והתגדלתי והתקדשתי ונודעתי לעיני גוים רבים וידעו כי אני יהוה׃
Romains 11:25-29
25
כי לא אכחד מכם אחי את הסוד הזה פן תהיו חכמים בעיניכם כי טמטום הלב למקצת נהיה לישראל עד כי יכנס מלא הגוים׃
26
ובכן כל ישראל יושע ככתוב ובא לציון גואל וישיב פשע מיעקב׃
27
ואני זאת בריתי אותם בהסירי חטאתם׃
28
הן לפי הבשורה שנואים הם למענכם אך לפי הבחירה חביבים הם למען האבות׃
29
כי לא ינחם האלהים על מתנותיו ועל קריאתו׃
Ephésiens 1:11
אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃
Hébreux 6:17
על כן כאשר רצה האלהים להראות ביותר את ירשי ההבטחה כי לא תשתנה עצתו ערב אתה בשבועה׃
Hébreux 6:18
למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃
Apocalypse 19:11
וארא את השמים נפתחים והנה סוס לבן והרכב עליו נקרא נאמן ואמתי ובצדק הוא שפט ולחם׃